|
||
|
|
||
|
ምእንቲ ህዝብኹም ሕሰቡ
መንእሰያት ንዑ ሕሰቡ ምስ ዓቢን ንእሽቶን ተላዘቡ ምስቶም አብ ጸገም ዝገደፍኩምዎም ተራኸቡ ሕተትዎም ድሕረኹም እንታይ ከም ዝሓስቡ
ተመሊስኩም ከምኡ ከይትረኽቡ ሽገር ከይጸንሓኩም ተደሪቡ በዚ ዘሎ ሽግር ብዕምቆት ሕሰቡ አብ ዘዘለኹሞ ተላዘቡ ሃገር በጺሓ ኢያ አፈርክቡ ብዝጠፋእኩምዎ ከይትዓርቡ ጥምየት ሳዕሪሩ አሎ ዘየላቡ ሕማም በዚሑ አሎ ዘየላቡ ንሃቡ ክብሉኹም ድሕሬኹም ዝስዕቡ ንገርዎም ሳንቲም ከምዘይትቡ ክጅምሩ ዝሓይሽ ክሓስቡ ንግናይ አውሪዶም ጥዑይ ከደይቡ ንሰላም ክጽዕሩ ሰላም ንኽረኽቡ ዘይሓስብ የለን ንመኽሰቡ መፍትሒ ክደልዩ ኢዮም ዓቕሊ ምስ አጽበቡ ምእሳር የቋርጹ ኢዮም ህዝቢ ንኽኸስቡ ሽዑ ወለድኹም ዝሓይሽ ይረኽቡ ህዝብና ይነብር ተላዚቡ
ምእንታኹም ሓሊፎም ጀጋኑ ቅያ ሰሪሖም ህዝብና ከቕስኑ እቲ ዝድለ ናጽነት ክውን ኮይኑ እንታይ ኮይኑ ኩሉ ትሃኒኑ ሂወት ተኸፊሉ ከይነብር ደኒኑ ግን አብ ክንዲ ዝሕጎስ ሕዙን ኮይኑ ጠላማት ሕድሪ በጃኹም ይኹኑ ነገር ሓላሊኾም ከይትቐስኑ
ስልጣን ዓዲሎም ንዘይጠቕሙ ሓኪም ከየርአዩ ብሕሙሙ የጥፍአ አሎ ሃገር ለኻኺሙ ፈንፊኑና ዓለም ብዓለሙ ዶብ ሰጊሩ ንኹሉ አሕሚሙ ምብታን ስርሑ ከም ጻሕታሪት ድሙ ካብ ሎሚ ሕሰቡ ብሃገር ትሓሙ ስምዒት መንእሰይ እንድሕሪ ቅሂሙ ክተርፍ ኢዩ ሃገርና ባዲሙ
ንበራበር ንፍጠር ሓዲሽ ሐይሊ ነናዲ መንእሰይ ስልጣን ተቐባሊ ፍትሓዊ ዝኾነ ንህዝቡ ዝሓሊ ስልጣን ዝቆራቖስ ንነብሰይ ብሃሊ ንኸላግጸልካ አየድልን ዓቕሊ ተንኮሉ ፈሊጥካ ስጎጎ ብዕሊ አስላማይ_ክስታናይ_ተቃለሱ ንሽግርኩም ባዕልኹም ፈውሱ ብስምምዕ ሓርነት አውሐሱ አለልዩዎ ናብ ስርዓት ዝሕሱ ብሰላም ክንነብር ኢና እንተልጊሱ
ክብርን ዝኽርን ንስዉአትና ዓወት ክአ ነቲ ደም ዝነብዕ ዘሎ ህዝብና
በላይ ምስፍን ጀርመን ግንቦት 06.05.07 |
||
|
DISCLAIMER: The author/s contributed for this article/opinion and is/are solely responsible for its contents
Contact Us at: webmaster@nharnet.com |
||
|
|
