እንደ ላዶን ቢሊን ጋቢኖ !

ጀረቢያ ፈረኩን ፡ ጀረቢሰለ እንተዓይብ

ለሀጋዃ ዳሕነግን ፡ሺርጊኒ እን ቀልብ

ከየናዂ ዋነጛ ፡ ኒ ኣኽላ የሉ እን ደርብ።

               ሓለይንደ ኲጋብድ ፡ ጎሊቲንደ እን ኲውድ

               ዋስሮካ ደለይድሮ ፡ እንጫ ደኳዂ ደርብድ

               እንትኻ አቶ ኒዂሲ ፡ኒኻ አድሮ ኲልድ።

ፈርዶ ፈረኲ ሀገግሮ ፡ ውራ ይልድ ኲል ይነሊ

እንደራ ይንን ጋብተውሲ ፡ ሕርበድ እንደረድ ወደንሊ

እንደ ባርንን ፈለኻ ፡ በሀልድ ደኮው ግናይሊ።

               ሽጚትኖ ማልናዂ ክርጛ ፡ ኣውትል ገመድ ኣርእኒ

               ሎለይሶ ይነል ወንተርጊን ፡ ንፍደውዲ ፍድኒ

               ተክሊብ እንጋዂ ወረባ ፡ ይናዂ እንታዂ ኣኽጊኒ

               ጋብ ኣኽሮ ጋብነኩን ፡ እንተድ ነስ ድወኒ።

ጋቢሎም ኩጋብሲ ፡ እምብላውይሮ ካምቢትጊን

ኣርነቢ ኩጋብሲ ፡ ወክት ኣቅሶ ፈነውጊን

ህምበኲ ይሩ እንጉሲ ፡ ሕበር ኮሳ ኣኾ ፈርጊን።

               ናድካ ላንቂ ኣኽለማ ፡ ላው ሸንገብ ሲደጋዂ

               ናድካ ዕላመት ኣኽለማ፡ ዲማ ዳይም ድደጋዂ

               እድዂር ርዝቅ ኣኽጊ ፡ ኲዲ ብሪል ወንተራዂ።

ኣወይናኽርግን ንኪሩ ፡ ሃውተታ ብራ ህምብናኽር

ኣምርዲ ርዝቅዲሲ ፡ ዓስተር እኲላ ደውይናኽር

ዲቢቁር እዃርኖና ፡ ክርጝ ከረው ማልናኽር

ፍሪተው ፈደግኒ ፡ ቁልላሕ ፈድናኽር።

              ኣማራ ንኪ ኣኽሮግን ፡ እንቁጚታ ነጚ ሓልፍሮግን

              ላሪ እንገት ከብትነ ፡ እንቛርቛሪ ኣኽኖግን

              ታሚት እንጋዂ ዋንትና ፡ ኩማልሲ እንገት ይኖግን።

ፈሪ ጋቢሎም እሮሪል ፡ ቃስቶ ጀረብረን ጀኻሪል

ፈሪ ጋቢሎም ጣፍሕል ፡ ወንተርቶ ጀረብረን መስከብል

ኩሲ ተከው ዋነማ ፡ ክሪል ኣኽን ፈርሓትል።

              ዓባር ደኮ ፡ ዓገልኖግን መአዲራ

              እንሽኽ ከርተ ፡ ተከልኖግን ከለምቡራ

              ፈርሓት ኣኾ ፡ ነስነስኖግን ሰቲራ።

ሙሴ ዓዋተ

ስዊድን

DISCLAIMER:  The author/s  contributed  for this article/opinion and is/are solely responsible for its contents

Contact Us at:   webmaster@nharnet.com