ዕለት 06 ታሕሳስ 2008.

ዜና ኮንፈረንስ፡

ብዕለት 04 ታሕሳስ 2008  ብድምቀት ዝተጀመረ ኮንፈረንስ ኣባላት ሰደግኤ፡ ብዓወት ተዛዚሙ፡፡ ኮንፈረንስ ኣብ ናይ ሰለስተ መዓልቲ ቅንያቱ ኣብ ገምጋም ህልው ፖሎቲካዊ ኩነታትን ገምጋም ሓድነታዊ ተመኩሮናን ዝሓለፎ መስርሕን ሰፊሕን ዓሚቕን ገምጋም ብምክያድ፡ ኣገደስቲ ፖሎቲካዊ ውሳነታትን መደረኻዊ ዕማማትን ብምሕንጻጽ፡ ሎሚ ምሸት ሰዓት 8.00 ብዓወት ተዛዚሙ፡፡

ጽባሕ ዕለት 07 ታሕሳስ 2008፡ ኣባላት ኮንፈረንስን ዕዱማት ኣጋይሽን ኣብ ዝተረኸቡሉ፡ ብድሙቕ መዕጸዊ በዓል ክጠቓለል ምዃኑ፡ ሰክረታርያ ኮንፈረንስ ካብ ዝሃበትና ሓበሬታ ንምፍላጥ ተኻኢሉ ኣሎ፡፡ ኣብ መጠቓለሊ በዓል ኮንፈረንስ፡ መጻኢ ጉዕዞ ሰደግኤን ዘመሓላለፎም ፖሎቲካዊ ውሳነታትን ኣመልኪቱ ብደምዳሚ መግለጺ ክሕበር ምዃኑ ተሓቢሩ፡፡

ኣብ መኽፈቲ ጉባኤ ዝቐረበ መደረ፡ ደምዳሚ መግለጽን፡ ፖሎቲካዊ ውሳነታትን ኮንፈረንስ ዝሓዙ ሰነዳት፡ ኣብ ኢድና ምስ በጽሑ፡ ብዝተፈላለዩ መሳለጥያታት ክንዝርግሖ ምዃና ኣቐዲምና ንሕብር። ኮንፈረንስ፡ ብላዕለዋይ ካድር ውድብና ክውነን ዝጸንሐ፡ መርበብ ሓበሬታ፡ መርሆ ዶት ኔት(www.merho.net) ውድባዊ ፕሮፖጋንዳዊ መሳለጥያ ኮይኑ ከገልግል ምቕባሉ ተፈሊጡ ኣሎ፡፡

DISCLAIMER:  The author/s  contributed  for this article/opinion and is/are solely responsible for its contents

Contact Us at:   webmaster@nharnet.com